shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

muddatein guzar gayi hisaab nahin kiyana jaane ab kiske kitne rah ga.e ham

dil na-umeed to nahin naakaam hi to hai lambi hai gham ki shaam magar shaam hi to hai

sochun to saari umr mohabbat men kat gaii dekhooñ to ek shaKHs bhi meraa nahin hua

koii to dhundh ke mujh ko kahiin se le aa.e ki KHud ko dekha nahin hai bahut zamaanon se

jab khile phool chaman men to tiri yaad aayi chand aañsu bhi masarrat ke bahaane nikle

odh liya hai maine libaada sheeshe ka ab mujh...ko kisi patthar se takraane do

kuchh ghazlein un zulfon par hain kuchh ghazlein un aankhoñ par jaane waale dost kii ab ik yahii nishaani baaki hai