mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

ab uski shaa dii ka qissa na chhedo bas itnaa kah do kaisi lag rahi thii

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

zindagi ka muqaddar safar-dar-safar aakhiri saans tak be-qaraar aadmi

naksha utha ke aur koi shahar dekhiye is shahar men to sab se mulaqaat ho gaii

ghee misri bhi bhej kabhi akhbaaron men kaii dinon se chaai hai kadvi ya allah

us ko ruksat to kiya tha mujhe maaloom na tha saara ghar le gaya ghar chhod ke jaane vaala

har aadmi men hote hain das bees aadmi jis ko bhi dekhna ho kaii baar dekhna