tum poochho aur main na bataaun aise to haalaat nahin ek zaraa sa dil toota hai aur to koi baat nahin

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

tumhein ik mashwara doon saadgi se kah do dil ki baat bahut taiyaariyaan karne men gaadi chhoot jaati hai

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

dekho ham koi wahshi nahin deewane hain tumse button khulwane nahin lagwane hain

jab bulan dii ka gumaan tha to nahin yaad aayi apni parvaaz se toote to zameen yaad aayi vahii aañkhen ki jo eemaan-shikan aañkhen hain unhin aankhoñ ki ha men daawat-e-deen yaad aayi

ye meri zid hi galat thii ki tujhsa ban jaaun main ab na apni tarah hooñ na tere jaisa hooñ hamaare beech zamaane ki badgumaani hai main zindagi se zaraa kam hi baat karta hooñ

ye saaniha bhi shab-e-hijr aa pada ham par teraa khyaal to aaya teri talab na hui

pakad men aati nahin hai kabhi vo shaakh-e-visaal ham ek bosaa-e-gul ke li.e tarsate hain

mere shayar main vahii husne-dilaawez jise chaahne waale bahut jaanne waale kam hain