koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

nahin lagega use dekh kar magar KHush hai main KHush nahin hooñ magar dekh kar lagega nahin

hazaar ishq karo lekin itnaa dhyaan rahe ki tum ko pahli mohabbat ki baddua na lage

ab main saare jahaan men hooñ badnaam ab bhi tum mujh...ko jaanti ho kya

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

khula fareb-e-mohabbat dikhaai deta hai ajab kamaal hai us be-vafa ke lehje men

betiyaan baap ki aankhoñ men chhupe KHvaab ko pahchaanti hain aur koi doosra is KHvaab ko padh le to bura maanti hain

munhdim hota chala jaata hai dil saal-b-saal aisa lagta hai girah ab ke baras tootti hai

KHud ko bikharte dekhte hain kuchh kar nahin paate hain phir bhi log khudaaon jaisi baatein karte hain

ghar se nikle hue beton ka muqaddar maaloom maa ke qadmon men bhi jannat nahin milne waali