ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

aur bhi dukh hain zamaane men mohabbat ke siva raahatein aur bhi hain vasl ki raahat ke siva

aaiine aankh men chubhte the bistar se badan katraata tha ek yaad basar karti thii mujhe main saans nahin le paata tha

kal raat jo eendhan ke li.e kat ke giraa hai chidiyon ko bahut pyaar tha us boodhe shajar se

tujh ko kya ilm tujhe haarne waale kuchh log kis qadar sakht nadaamat se tujhe dekhte hain

tu badalta hai to be-saakhta meri aañkhen apne haathon ki lakeeron se uljh jaati hain

kis tarah mirii rooh hari kar gaya aaKHir vo zahar jise jism men khilte nahin dekha

ye kya ki vo jab chahe mujhe cheen le mujh se apne li.e vo shaKHs tadpata bhi to dekhooñ