ham vo hain jo KHuda ko bhool ga.e tum meri jaan kis gumaan men ho

main agar apni jawaani ke suna doon qisse ye jo launde hain mere paanv dabane lag jaa.e

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

tum mohabbat ko khel kahte ho ham ne barbaad zindagi kar li

zindagi ka muqaddar safar-dar-safar aakhiri saans tak be-qaraar aadmi

girja men mandiron men azaanon men bat gaya hote hi subh aadmi khaanon men bat gaya

ek mehfil men kaii mahfilein hoti hain shareek jis ko bhi paas se dekhoge akela hogaa

din saleeqe se ugaa raat thikaane se rahi dosti apni bhi kuchh roz zamaane se rahi

dil men na ho jurat to mohabbat nahin milti khairaat men itni badi daulat nahin milti