tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

hont jo kahte hai sab kuchh jhooth hai aankh sach kahti hai uski baat sun

tu bujha kar rakh gaya tha jabse is dil ke charaaghh hamne is ghar men nahin ki roshnai aaj tak

ham log choonki dasht ke pale hue hain so khaabo men chahe jheel hon aankhoñ men ped hain

ye gham hamko patthar kar dega ik din koi aa kar ha men rulao pahle to

tamaam mas'ale uthaaye phir rahe hain ham isi li.e bhi chalte chalte thak ga.e hain ham the kitne kam-naseeb ham ki raabta na tha hain kitne khushnaseeb tujh ko choo rahe hain ham