sochun to saari umr mohabbat men kat gaii dekhooñ to ek shaKHs bhi meraa nahin hua

mat pooch ki kya haal hai meraa tere peeche tu dekh ki kya rang hai teraa mere aage

le de ke apne paas faqat ik nazar to hai kyun dekhen zindagi ko kisi ki nazar se ham

zameen pe ghar banaya hai magar jannat men rahte hain hamaari khush-naseebi hai ki ham bharat men rahte hain

ek aawaaz ki jo mujh...ko bacha letii hai zindagi aakhri lamhon men manaa letii hai jis pe marti ho use mud ke nahin dekhti vo aur jise maarna ho yaar banaa letii hai

yahaañ sab log rote hi mile hain kahaanii itni achchhii ja rahi hai

kisi ka dil bahut raushan hua hai kisi ke dil men jaale lag rahe hain

tumne jis ghar ko hisson men baanta hai bees baras lagte hain ik banwaane men

mire kirdaar ka marna hi shaayad kahaanii ki zaroorat ban gaya tha

kitna bhi zor doon magar aata nahin hai yaad kisne bataaya tha mujhe ke kho gaya hooñ main