koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

hazaaron saal nargis apni be-noori pe roti hai badi mushkil se hota hai chaman men deeda-war paida

dekho ham koi wahshi nahin deewane hain tumse button khulwane nahin lagwane hain

ta-kayamat pyaase sab dariyaa rahenge dariyaa ki to tishnagi KHud karbala hain

ummeed e visaal e jaan mismar hui nahin ye daaman-e-shab abhii dushwaar hui nahin usne bhi shab-e-guzishta qaid rakhi havas hamse bhi badan ki sarhad paar hui nahin

shor-o-gul maazi ke apne yaad karke tanhaa boodha ghar bilkh kar ro raha hai

ham jo the kabhi sikandar apni duniya ke unke haathon ka khilauna ban kar rah ga.e

bas khud-kushi se bachne ka jariya hai sha'iri hamko sukhan-vari se to shohrat talab nahin