rah bhi saka hai kahii naam teraa likkha hua saare jungle ki to pardtaal nahin kar sakte

yuñ hi be faiz si bekar si duniya men ha men jeena padta hai ki maon ke kaleje na fatten

ham ko gaali ke li.e bhi lab hila sakte nahin gair ko bosa diya to munh se dikhla kar diya

hai samajhna aapko to she'r se izhaar samjhen baat kehne ko bhala ham phool kyuuñ toda karenge

kisi ummeed ka ye istiaara jaan padta hai ki tanhaa hi sahi sach jhooth se ab roz ladta hai

phir is ke baad manaaya na jashn khushboo ka lahu men doobi thii fasl-e-bahaar kya karte

har ek samt yahaañ vahshaton ka maskan hai junoon ke vaaste sehra o aashiyana kya

har ek shaKHs yahaañ mahv-e-khwaab lagta hai kisi ne ham ko jagaaya nahin bahut din se

gulaab chaandni-raaton pe vaar aa.e ham tumhaare honton ka sadqa utaar aa.e ham

kahiiñ abeer kii khushboo kahiiñ gulaal ka rang kahiiñ pe sharm se simte hue jamaal ka rang chale bhi aao bhula kar sabhi gile-shikwe barsna chahiye holi ke din visaal ka rang