bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

us ke honton pe rakh ke hont apne baat hi ham tamaam kar rahe hain

tumhaare baad ye dukh bhi to sahna pad raha hai kisi ke saath majboori men rahna pad raha hai

gulaab KHvaab davaa zahar jaam kya kya hai main aa gaya hooñ bataa intizaam kya kya hai

kahiiñ abeer kii khushboo kahiiñ gulaal ka rang kahiiñ pe sharm se simte hue jamaal ka rang chale bhi aao bhula kar sabhi gile-shikwe barsna chahiye holi ke din visaal ka rang

har ek shaKHs yahaañ mahv-e-khwaab lagta hai kisi ne ham ko jagaaya nahin bahut din se

na jaane khatm hui kab hamaari aazaa dii taalluqaat ki paabandiyaan nibhaate hue

neend aayegi bhala kaise use shaam ke baa'd rotiyaan bhi na muyassar hon jise kaam ke baa'd

har ek samt yahaañ vahshaton ka maskan hai junoon ke vaaste sehra o aashiyana kya