koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

titli se dosti na gulaabon ka shauq hai meri tarah use bhi kitaabon ka shauq hai

vo afsaana jise anjaam tak laana na ho mumkin use ik KHoob-soorat mod de kar chhodna achha

kitne aish se rahte honge kitne itraate honge jaane kaise log vo honge jo us ko bhaate honge

apne chehre se jo zaahir hai chhupaayen kaise teri marzi ke mutaabiq nazar aayen kaise

har ek samt yahaañ vahshaton ka maskan hai junoon ke vaaste sehra o aashiyana kya

na jaane khatm hui kab hamaari aazaa dii taalluqaat ki paabandiyaan nibhaate hue

kahiiñ abeer kii khushboo kahiiñ gulaal ka rang kahiiñ pe sharm se simte hue jamaal ka rang chale bhi aao bhula kar sabhi gile-shikwe barsna chahiye holi ke din visaal ka rang

har ek shaKHs yahaañ mahv-e-khwaab lagta hai kisi ne ham ko jagaaya nahin bahut din se

phir is ke baad manaaya na jashn khushboo ka lahu men doobi thii fasl-e-bahaar kya karte