tum iska nuksaan bataati achchhii lagti ho varna hamko shauq nahin hai cigarette-noshi ka

mehnat to karta hooñ phir bhi ghar khaali hai baabuji miTTi ke kuchh deepak le lo diwali hai baabuji miTTi bech raha hooñ jis men koi jaal fareb nahin sona chaan dii doodh mithaai sab jaali hai baabuji

manzilon ka kaun jaane rahguzar achchhii nahin uski aañkhen khoobsurat hai nazar achchhii nahin

sabse bezaar ho gaya hooñ main zehni beemaar ho gaya hooñ main koi achchhii khabar nahin mujh men yaanii akhbaar ho gaya hooñ main

kisi bahaane se uski naarazgi khatm to karne thii uske pasandeeda shayar ke she'r use bhejavai hain

zindagi men mere us ne andhera kiya aur us..ko sabhi raushni kahte the

zaraa tum apni had men rahne ki koshish karo varna tumhaare aib se ik din tumhein badnaam kar denge

zaraa rakh le tu naam uskaa labon par KHuda ki ibadat men raahat milegi

tumhein pata nahin yahaañ ki kaun hooñ yahaañ ka main salaam karta hai mujhe yahaañ ka baadshaah bhi

tum utar jaao in nigaahon men ik nazar dekhne se kya hogaa