mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

dil se saabit karo ki zinda ho saans lena koi suboot nahin

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

mohabbat ab nahin hogii ye kuchh din baad men hogii guzar jaayenge jab ye din ye un kii yaad men hogii

makaan hai qabr jise log KHud banaate hain main apne ghar men hooñ ya main kisi mazaar men hooñ

ham bhi muneer ab duniyaadaari kar ke vaqt guzaarenge hote hote jeene ke bhi laakh bahaane aa jaate hain

KHvaab hote hain dekhne ke li.e un men ja kar magar raha na karo

kuchh vaqt chahte the ki sochen tire li.e tune vo vaqt ham ko zamaane nahin diya