raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle

hamesha ik doosre ke haq men dua karenge ye tay hua tha milen ya bichhade magar tumheen se vafaa karenge ye tay hua tha

ham ko neeche utaar lenge log ishq latka rahega pankhe se

ye muhabbat kii kitaaben kaun yuñ kab tak padhe kaun maare roz hi ik baat pe apna hi man

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

zindagi ka muqaddar safar-dar-safar aakhiri saans tak be-qaraar aadmi

itnaa sach bol ki honton ka tabassum na bujhe raushni khatm na kar aage andhera hogaa

din saleeqe se ugaa raat thikaane se rahi dosti apni bhi kuchh roz zamaane se rahi

tum bhi likhna tum ne us shab kitnii baar piya paani tum ne bhi to chhajje u uupar dekha hogaa poora chaand

ghee misri bhi bhej kabhi akhbaaron men kaii dinon se chaai hai kadvi ya allah