koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

ye alag baat ki KHaamosh khade rahte hain phir bhi jo log bade hain vo bade rahte hain

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaakhon se toot jaayen vo patte nahin hain ham aandhi se koi kah de ki auqaat men rahe

zindagi ka har varq ba-shauq padiye ye kitaab ik roz lautaani bhi to hai

zindagi bhar yuñ mere dil ko dukhaaya tha bahut qabr par aaya hai vo mujh se muaafi ke li.e

zindagi bhar main boloonunga tujhko ishq ka yuñ dagaabaaz hai tu

zindagi men mere us ne andhera kiya aur us..ko sabhi raushni kahte the

tum kya jaano yaar adeebon ki hasti ham marne ke baad bhi zinda rahte hain