bharii bahaar men ik shaakh par khila hai gulaab ki jaise tu ne hatheli pe gaal rakha hai

gulaab KHvaab davaa zahar jaam kya kya hai main aa gaya hooñ bataa intizaam kya kya hai

tumhein ye duniya kabhi phool to nahin degi mile hain kaañte to kaanton ko hi gulaab karo

naye daur ke naye KHvaab hain naye mausamon ke gulaab hain ye mohabbaton ke charaaghh hain inhen nafratoin ki hawa na de

ik gul ko haathon se chhukar usne bhavron ke hont gulaabi kar dale

tamaam umr ka hisaab maangti hai zindagi ye meraa dil kahe to kya ki khud se sharmasaar hai

jahaan men hone ko ai dost yuuñ to sab hogaa tere labon pe mere lab hon aisa kab hogaa

hai aaj ye gilaa ki akela hai shehryaar tarsoge kal hujoom men tanhaaii ke li.e

ya tere alaava bhi kisi shay ki talab hai ya apni mohabbat pe bharosa nahin ham ko

na khush-gumaan ho is par tu ai dil-e-saada sabhi ko dekh ke vo shaKHs muskurata hai