main agar apni jawaani ke suna doon qisse ye jo launde hain mere paanv dabane lag jaa.e

tum mohabbat ko khel kahte ho ham ne barbaad zindagi kar li

tu mohabbat se koi chaal to chal haar jaane ka hausla hai mujhe

main chahta hooñ mohabbat meraa vo haal kare ki KHvaab men bhi dobara kabhi majaal na ho

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

tamaam umr ka hisaab maangti hai zindagi ye meraa dil kahe to kya ki khud se sharmasaar hai

shadeed pyaas thii phir bhi chhua na paani ko main dekhta raha dariyaa tiri ravaani ko

jahaan men hone ko ai dost yuuñ to sab hogaa tere labon pe mere lab hon aisa kab hogaa

dil hai to dhadkane ka bahaana koi dhundhe patthar ki tarah behis o bejaan sa kyun hai

ham khush hain ha men dhoop viraasat men mili hai ajdaad kahii ped bhi kuchh bo ga.e hote