koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

tujhe paane kii koshish men kuchh itnaa kho chuka hooñ main ki tu mil bhi agar jaa.e to ab milne ka gham hogaa

jaake lautaa hai kahiin koii hawa ka jhonka tumne kya soch ke darwaaza khula rakkha hai

nazarandaaz karne kii saza deni thii tujh ko tere dil men utar jaana zaroori ho gaya tha

kuchh to kar aadaab-e-mahfil ka lihaaz yaar ye pahluu badalna chhod de

koii shikwa na kare bahte hue paani se kashtiyaañ doobi hain kuchh apni hi manmaani se