shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

masheenen duniya-bhar ki bhi laga do chahe tum uske dil ka rastaa naiiñ banaa paoge

rang jab bankar gawaah aaya teri taaseer ka maine ye aalam bhi dekha hai teri tasveer ka

bhoolne bhulaane ke kisse kya bataayen ham matla bhool jaate hain she'r yaad rahte hain

main kahooñ bhi to kaise kahooñ ab ghazal she'r bhi mere tanhaa hain meri tarah

use itnaa qareebi kyun banaya kabk gaya ik shaKHs to mehfil gaii jaise