tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaayad mujhe kisi se mohabbat nahin hui lekin yaqeen sab ko dilaata raha hooñ main

hazaar ishq karo lekin itnaa dhyaan rahe ki tum ko pahli mohabbat ki baddua na lage

na poochho husn ki taa'riif ham se mohabbat jis se ho bas vo haseen hai

shahzaade pata nahin tum ko tum pe kitnii kaneez marti hain

yaar usne ab nishaana tay kiya jaañ magar pahle deewana tay kiya vo safar se laut kar jo aa gaya yaar pahle hi thikaana tay kiya

raam likhne lagii main kaaghaz par kaam aasaan ho ga.e mere

ya to nafrat KHaraab hai jaani ya mohabbat KHaraab hai jaani aaj aaghosh men gire uske phir tabeeyat KHaraab hai jaani

yaad karke vo ro raha hogaa shakl aañsu se dho raha hogaa