main us se ye to nahin kah raha juda na kare magar vo kar nahin saka to phir kaha na kare vo jaise chhod gaya tha mujhe use bhi kabhi KHuda kare ki koi chhod de KHuda na kare

kis li.e dekhti ho aaina tum to KHud se bhi khoobsurat ho

vo aa.e ghar men hamaare KHuda ki qudrat hain kabhi ham umko kabhi apne ghar ko dekhte hain

kitaab film safar ishq shayari aurat kahaan kahaan na gaya KHud ko dhoondhta hua main

tumhaare paanv qasam se bahut hi pyaare hain KHuda kare mere bacchon ki in men jannat ho

ai zabt dekh ishq kii un ko khabar na ho dil men hazaar dard uthe aankh tar na ho

kaun si ja hai jahaan jalwa-e-maashooq nahin shauq-e-deedaar. agar hai to nazar paida kar

bosa liya jo us lab-e-sheereen ka mar ga.e dii jaan ham ne chashma-e-aab-e-hayaat par

shab-e-visaal bahut kam hai aasmaañ se kaho ki jod de koi tukda shab-e-judaai ka

baagbaan kaliyaan hon halke rang ki bhejni hain ek kam-sin ke li.e