kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sab kahaan kuchh laala-o-gul men numayaan ho gaiin KHaak men kya sooraten hongi ki pinhaan ho gaiin

koii veeraani sii veeraani hai dasht ko dekh ke ghar yaad aaya

gham agarche jaan-gusil hai pa kahaan bachenge ki dil hai gham-e-ishq gar na hota gham-e-rozgaar hota

apni gali men mujh...ko na kar dafn baad-e-qatl mere pate se khalk ko kyun teraa ghar mile

rahiye ab aisi jagah chal kar jahaan koii na ho hum-sukhan koii na ho aur ham-zabaan koii na ho