ab hawaaein hi karengi raushni ka faisla jis diye men jaan hogii vo diya rah jaayega

do gaz sahi magar ye meri milkiiyat to hai ai maut tune mujhe zameendaar kar diya

paron ko khol zamaana udaan dekhta hai zameen pe baith ke kya aasmaan dekhta hai

bharam rakha hai tere hijr ka varna kya hota hai main rone pe aa jaaun to jharna kya hota hai meraa chhodo main nain thakta meraa kaam yahii hai lekin tumne itne pyaar ka karna kya hota hai

chup rahte hain chup rahne do raaz batao khole kya baat wafa ki tum karti ho bolo ham kuchh bole kya ulfat to afsaana hai tum karti khoob siyaasat ho ham bhi hain maqbool bahut ab bol kisi ke holen kya

koocha-e-ishq men nikal aaya jis ko khaana-kharaab hona tha

yahii hai zindagi to zindagi se KHud-kushi achchhii ki insaan aalam-e-insaaniyat par baar ho jaa.e

tire jamaal ki tasveer kheench doon lekin zabaan men aankh nahin aankh men zabaan nahin

jo un pe guzarti hai kis ne use jaana hai apni hi museebat hai apna hi fasana hai

sadaqat ho to dil seenon se khinchne lagte hain waiz haqeeqat KHud ko manvaa letii hai maani nahin jaati