koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

shaakhon se toot jaayen vo patte nahin hain ham aandhi se koi kah de ki auqaat men rahe

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ham vo hain jo KHuda ko bhool ga.e tum meri jaan kis gumaan men ho

ab jo rishton men bandha hooñ to khula hai mujh par kab parind ud nahin paate hain paron ke hote

muskuraaye ham us se milte waqt ro na padte agar khushi hoti

kaun sood-o-ziyaan kii duniya men dard gurbat ka saath deta hai jab muqaabil hon ishq aur daulat husn daulat ka saath deta hai

bas yuñ hi meraa gaal rakhne de meri jaan aaj gaal par apne

ab to har baat yaad rahtii hai ghaliban main kisi ko bhool gaya