tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

use kisi se mohabbat thii aur vo main nahin tha ye baat mujhse zyaada use rulaati thii

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

inhi hairat-zada aankhoñ se dekhe hain vo aañsu bhi jo akshar dhoop men mehnat kii peshaani se dhalti hain

jalane waale jalate hi hain charaaghh aaKHir ye kya kaha ki hawa tez hai zamaane ki

hone do charaaghaan mahlon men kya ham ko agar diwali hai mazdoor hain ham mazdoor hain ham mazdoor ki duniya kaali hai