chaan dii sona ek taraf teraa hona ek taraf ek taraf teri aañkhen jaadu toona ek taraf

ghutan si hone lagii us ke paas jaate hue main KHud se rooth gaya hooñ use manaate hue

KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

yaaraan vo jo hai meraa maseeha-e-jaan-o-dil be-had aziz hai mujhe achha ki.e baghair main bistar-e-khayaal pe leta hooñ us ke paas subh-e-azl se koi taqaza ki.e baghair

KHamosh jheel ke paani men vo udaasi thii ki dil bhi doob gaya raat mahtaab ke saath

tune bahut kharab kiya hai mujhe magar is she'r men kharab ka matlab kuchh aur hai

jata diya ki mohabbat men gham bhi hote hain diya gulaab to kaañte bhi the gulaab ke saath

tere bin ghadiyan gini hain raat din nau baras gyaarah maheene saath din

akeleypan se kahaan taalmeel hota hai khilaadi ishq men do hon to khel hota hai na lena ishq ke parche men sau se kam number yahaañ ninaanve vaala bhi fel hota hai