koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

poochte hain vo ki ghalib kaun hai koi batlaao ki ham batlaayein kya

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ye udaasi ka sabab poochne waale ajmal kya karenge jo udaasi ka sabab batlaaya

bas ek shaam ka har shaam intizaar raha magar vo shaam kisi shaam bhi nahin aayi

hai bataane kii koii cheez bhala naam-o-nasab ham ne poocha na kabhi naam-o-nasab batlaaya

bharta bhi kyun ki zaKHm tha tere firaq ka phir ham ne teri yaad ko marham samajh liya

badal jaayenge ye din raat ajmal koi na-mehrabaan kab tak rahega