kisi ko ghar se nikalte hi mil gaii manzil koi hamaari tarah umr bhar safar men raha

dekho ham koi wahshi nahin deewane hain tumse button khulwane nahin lagwane hain

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

tumhaare paanv qasam se bahut hi pyaare hain KHuda kare mere bacchon ki in men jannat ho

koi samandar koi nadi hoti koi dariyaa hota ham jitne pyaase the hamaara ek gilaas se kya hota taane dene se aur ham pe shak karne se behtar tha gale laga ke tumne hijrat ka dukh baat liya hota

ped ka dukh to koi poochne vaala hi na tha apni hi aag men jalta hua saaya dekha

maidaan men haar jeet ka yuñ faisla hua duniya thii un ke saath hamaara KHuda hua

ham to tamaam umr tiri hi ada rahe ye kya hua ki phir bhi humeen be-vafa rahe

ham se koi ta'alluq-e-khaatir to hai use vo yaar ba-wafa na sahi be-vafa to hai

tiri justuju men nikle to ajab saraab dekhe kabhi shab ko din kaha hai kabhi din men KHvaab dekhe