ham bhi dariyaa hain ha men apna hunar maaloom hai jis taraf bhi chal padenge raasta ho jaayega

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

ye alag baat ki KHaamosh khade rahte hain phir bhi jo log bade hain vo bade rahte hain

chaan dii sona ek taraf teraa hona ek taraf ek taraf teri aañkhen jaadu toona ek taraf

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

na-ummee dii badh gaii hai is qadar aarzoo kii aarzoo hone lagii

KHuda rakhe mohabbat ne ki.e aabaad dono ghar main un ke dil men rehta hooñ vo mere dil men rahte hain

lipt jaate hain vo bijli ke dar se ilaahi ye ghatta do din to barase

kya poochte ho kaun hai ye kis ki hai shohrat kya tum ne kabhi daagh ka deewaan nahin dekha

vaa'da jhoota kar liya chaliye tasalli ho gaii hai zaraa sii baat khush karna dil-e-naashaad ka