roshni badhne lagii hai shahar ki chaand chat par aa gaya hai dekhiye

ham hain rahe-ummeed se bilkul pare pare ab intzaar aapka koi kare kare maine to yuñ hi apni tabiyat sunaai thii tum to lagin safaaiyaan dene are are

main tujhe kho ke bhi zinda hooñ ye dekha tune kis qadar hausla haare hue insaan men hai

jab se hua hai kandhe se baste ka bojh kam badhte hi ja rahe hain meri zindagi men gham

bhare hue jaam par suraahi ka sar jhuka to bura lagega jise teri aarzoo nahin tu use mila to bura lagega ye aakhiri kapkapata jumla ki is ta'alluq ko khatm kar do bade jatan se kaha hai us ne nahin kiya to bura lagega

vaa'da jhoota kar liya chaliye tasalli ho gaii hai zaraa sii baat khush karna dil-e-naashaad ka

haath rakh kar jo vo pooche dil-e-betaab ka haal ho bhi aaraam to kah doon mujhe aaraam nahin

faqat nabz se haal zaahir na hogaa meraa dil bhi ai chaara-gar dekh lena

raha na dil men vo bedard aur dard raha muqeem kaun hua hai maqaam kis ka tha

ham to us aankh ke hain dekhne waale dekho jis men shokhi hai bahut aur haya thodii si