ab dost koi laao mukaabil men hamaare dushman to koi kad ke barabar nahin niklaa

naap raha tha ek udaasi ki gehraai haath pakadkar waapas laayi hai tanhaaii vasl dinon ko kaafi chhota kar deta hai hijr badha deta hai raaton ki lambaai

udaasi ik samandar hai ki jiski tah nahin hai main neeche aur neeche aur neeche ja raha hooñ

hamaare baad tere ishq men naye ladke badan to choomenge zulfen nahin sanvaarenge

palak ka baal gire kab main kab tujhe maanguun main kashmakash men ye palken na noch luun apni

judaaiyon ke zaKHm dard-e-zindagi ne bhar diye tujhe bhi neend aa gaii mujhe bhi sabr aa gaya

bas yuñ hi dil ko tavakko sii hai tujh se warna jaanta hooñ ki muqaddar hai mera tanhaaii

Din bhar to main duniya ke dhandon me khoya raha

qubool hai jinhen gham bhi teri khushi ke li.e vo jee rahe hain haqeeqat men zindagi ke li.e

hamaare ghar ki deewaron pe naasir udaasi baal khole so rahi hai