bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ruken to dhoop se nazrein bachaate rahte hain chalen to kitne darakht aate jaate rahte hain

banaao taajmahal ke bajaaye taash mahal tamaam umr muhabbat karo girao banaao

main hosh-mand hooñ KHud bhi so meri ghazlon meinna raqs karta hai aashiq na baal kheenchta hai

jo log KHud na karte the honthon se paan saaf palkon se kar rahe hain teraa paaydaan saaf

is dil ki iint iint tere baad hil gaii tu chal diya to ishq ki buniyaad hil gaii