main agar apni jawaani ke suna doon qisse ye jo launde hain mere paanv dabane lag jaa.e

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

waqif kahaan zamaana hamaari udaan se vo aur the jo haar ga.e aasmaan se

dar hai ghar men kaise bola jaayega chhodo jo bhi hogaa dekha jaayega main bas uskaa chehra padhkar jaaunga meraa paper sabse achha jaayega

sadaa lapet ke dil jaayenge wagarana nahin pahaad aah se hil jaayenge wagarana nahin vo aaj dariyaa se ladne ki thaan kar ga.e the kahii kinaare pe mil jaayenge wagarana nahin