tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

baat hi kab kisi ki maani hai apni hath poori kar ke chhodogi ye kalaaee ye jism aur ye kamar tum suraahi zaroor toḍogi

tumhaari aankhoñ ki tauheen hai zara socho tumhaara chaahne vaala sharaab peeta hai

bheegin palken dekh kar tu kyun ruka hai KHush hooñ main vo to meri aankh men kuchh aa gaya hai KHush hooñ main vo kisi ke saath KHush tha kitne dukkh ki baat thii ab mere pahluu men aa kar ro raha hai KHush hooñ main

tujhe sheesha banaya hai KHuda ne dhyaan rakha kar gale patthar ke jo lagne lagega toot jaayega

shikaayat ke siva dekho use kuchh bhi nahin aata agar ham ek-do kar den usii par rooth jaata hai

din guzaaroon aapke bin ye to tha mushkil bahut KHud KHushi se mar gaya main khudkushi aasaan thii

paani men main doob raha hooñ dekh mujhe dariyaa se KHud door kinaara jayega

us ghoonghat men ik chehra hai us chehre pe ik til bhi haius til pe hamaari jaan fida kurbaan usii par dil bhi hai vo satarah 'aashiq qatl hue in teri farebi nazaron se ik had tak to maasoom tu hai par ik had tak qaateel bhi hai