mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

mohabbat apni qismat men nahin hai ibadat se guzaara kar rahe hai

baat hi kab kisi ki maani hai apni hath poori kar ke chhodogi ye kalaaee ye jism aur ye kamar tum suraahi zaroor toḍogi

ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

tumhaari aankhoñ ki tauheen hai zara socho tumhaara chaahne vaala sharaab peeta hai

kahaan ke ishq-o-mohabbat kidhar ke hijr-o visaal abhii to log tarsate hain zindagi ke li.e

khataayein dono kii yaksaan thii par ta'ajjub hai kisi ko daad mili aur kisi ko ruswaai

ab bhi kuchh log sunaate hain sunaaye hue she'r baatein ab bhi tiri zehnon men basi lagti hain

tum se haasil hua ik gehre samundar ka sukoot aur har mauj se ladna bhi tumhiin se seekha

chhoti si baat pe KHush hona mujhe aata tha par badi baat pe chup rahna tumhi se seekha