gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

ye kahaan ki reet hai jaage koi soye koi raat sab ki hai to sab ko neend aani chahiye

kaun-si baat kahaan kaise kahii jaati hai ye saleeqa ho to har baat sooni jaati hai ek bigdi hui aulaad bhala kya jaane kaise maa-baap ke honthon se hañsi jaati hai

abhii zinda hai maa meri mujhe kuchh bhi nahin hogaa main ghar se jab nikalta hooñ dua bhi saath chalti hai

main choomta hooñ to vo haath kheench leta hai use pata hai ye seedhi kahaan pe jaani hai

tum se haasil hua ik gehre samundar ka sukoot aur har mauj se ladna bhi tumhiin se seekha

khataayein dono kii yaksaan thii par ta'ajjub hai kisi ko daad mili aur kisi ko ruswaai

har fikr kii apni manzil thii har soch ka apna rastaa tha

nahin nahin ha men ab teri justuju bhi nahin tujhe bhi bhool ga.e ham tiri khushi ke li.e

ek ke ghar kii khidmat kii aur ek ke dil se mohabbat kii dono farz nibha kar us ne saari umr ibadat kii