ghar men bhi dil nahin lag raha kaam par bhi nahin ja raha jaane kya KHauf hai jo tujhe choom kar bhi nahin ja raha raat ke teen bajne ko hai yaar ye kaisa mahboob hai jo gale bhi nahin lag raha aur ghar bhi nahin ja raha

isi li.e to main roya nahin bichhadte samay tujhe ravana kiya hai juda nahin kiya hai

vaqt rehta nahin kahii tik kar aadat is ki bhi aadmi si hai

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

jaanta hooñ ki tujhe saath to rakhte hain kaii poochna tha ki teraa dhyaan bhi rakhta hai koi

ik ajnabi jhonke ne jab poocha mire gham ka sabab sehra kii bheegi ret par maine likha aawaargi

suna hai shahar men zakhmi dilon ka mela hai chalenge ham bhi magar pairhan rafu kar ke

khulii hain aañkhen magar badan hai tamaam patthar koii bataaye main mar chuka hooñ ki jee raha hooñ

ab ek pal ka taghaaful bhi sah nahin sakte ham ahl-e-dil kabhi aadi the intizaar ke bhi

kaun si baat hai tum men aisi itne achchhe kyun lagte ho