ghar ki is baar mukammal main talaashi loonga gham chhupa kar mire maa baap kahaan rakhte the

shab basar karne hai mahfooz thikaana hai koii koii jungle hai yahaañ paas men sehra hai koii

tu is tarah se mire saath be-vafaaii kar ki tere baad mujhe koi be-vafa na lage

zaat dar zaat hamsafar rahkar ajnabi ajnabi ko bhool gaya

chalo phir se milen ham ajnabi bankar chalo phir se vafaa ki qasmen ham khaayein

har vaqt ka hansna tujhe barbaad na kar de tanhaaii ke lamhon men kabhi ro bhi liya kar

suna hai shahar men zakhmi dilon ka mela hai chalenge ham bhi magar pairhan rafu kar ke

ab ek pal ka taghaaful bhi sah nahin sakte ham ahl-e-dil kabhi aadi the intizaar ke bhi

yuñ dekhte rahna use achha nahin mohsin vo kaanch ka paikar hai to patthar tiri aañkhen

khulii hain aañkhen magar badan hai tamaam patthar koii bataaye main mar chuka hooñ ki jee raha hooñ