hai dukh to kah do kisi ped se parinde se ab aadmi ka bharosa nahin hai pyaare koi

is nadi ki dhaar men thandi hawa aati to hai naav jarjar hi sahi lehron se takraati to hai

tumhaara sirf hawaon pe shak gaya hogaa charaaghhh KHud bhi to jal jal ke thak gaya hogaa

hawa chali to uski shawl meri chat pe aa giri ye us badan ke saath meraa pehla raabta hua

jab mohabbat bhar hawa men aankh ye likhne lagii nam hui poori fiza aur tum mujhe dikhne lagii

mohabbat ab nahin hogii ye kuchh din baad men hogii guzar jaayenge jab ye din ye un kii yaad men hogii

makaan hai qabr jise log KHud banaate hain main apne ghar men hooñ ya main kisi mazaar men hooñ

gham kii baarish ne bhi tere naqsh ko dhoya nahin tune mujh ko kho diya maine tujhe khoya nahin

muneer achha nahin lagta ye teraa kisi ke hijr men beemaar hona

ham bhi muneer ab duniyaadaari kar ke vaqt guzaarenge hote hote jeene ke bhi laakh bahaane aa jaate hain