tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

man kii man men hi bhunane men lage ho haath men jo hai nikalta ja raha hai

aazmaane men yahii khatra raha hai kal jo apna tha kahaan apna raha hai

toofaanon se dar lagta hai kuchh rishton se ghar lagta hai toofaanon men ab ghar meraa ab rishton se dar lagta hai

yahii vo log jab maango madad munh fer lete hain yahii vo hain jo kahte hain madad koii nahin karta

door raushni hui naseeb the dhale hue maine ki dua magar qubool faasle hue baat par yaqeen nahin to nain dekh le mere intizaar ke diye tere li.e jale hue