main jab mar jaaun to meri alag pahchaan likh dena lahu se meri peshaani pe hindustan likh dena

KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

janaaze par mere likh dena yaaron mohabbat karne vaala ja raha hai

ham ne seene se lagaaya dil na apna ban sakaa muskuraa kar tum ne dekha dil tumhaara ho gaya

bataa raha hai jhatkna teri kalaaee ka zaraa bhi ranj nahin hai tujhe judaai ka main zindagi ko khule dil se kharch karta tha hisaab dena pada mujh...ko paai-paai ka

qaum ke gham men dinner khaate hain hukkaam ke saath ranj lider ko bahut hai magar aaraam ke saath

dil vo hai ki fariyaad se labreiz hai har vaqt ham vo hain ki kuchh munh se nikalne nahin dete

rehta hai ibadat men ha men maut ka khatka ham yaad-e-khuda karte hain kar le na KHuda yaad

lipt bhi ja na ruk akbar ghazab ki beauty hai nahin nahin pe na ja ye haya ki duty hai

ham aisi kul kitaaben qaabil-e-zabti samjhte hain ki jin ko padh ke ladke baap ko khabti samjhte hain