bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

KHud ko itnaa bhi mat bachaaya kar baarishen hon to bheeg jaaya kar kaam le kuchh haseen hothon se baaton baaton men muskuraya kar

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

sab kar lena lamhe zaayaa' mat karna ghalat jagah par jazbe zaayaa' mat karna

mat bataana ki bikhar jaayen to kya hota hai naiiñ naslon ko naye KHvaab sajaane dena

qaum ke gham men dinner khaate hain hukkaam ke saath ranj lider ko bahut hai magar aaraam ke saath

dil vo hai ki fariyaad se labreiz hai har vaqt ham vo hain ki kuchh munh se nikalne nahin dete

jo waqt-e-khatna main cheekha to naai ne kaha hañs kar musalmaani men taqat KHoon hi bahne se aati hai

lipt bhi ja na ruk akbar ghazab ki beauty hai nahin nahin pe na ja ye haya ki duty hai

is qadar tha khatmalon ka chaarpaai men hujoom vasl ka dil se mire armaan ruksat ho gaya