jeet bhi loon gar ladai tum se main to kya milega haath men dono ke bas ik toota sa rishta milega kar ke laakhon koshishein gar jo bacha bhi luun main rishta to nahin phir man hamaara pahle ke jaisa milega

agar furqat mile paani ki tehriroon ko padh lena har ik dariyaa hazaaron saal ka afsaana likhta hai

ai KHuda us..ko KHabar de hooñ main kaise haal men mere aañsu ja gire uske har ik roomaal men

mere rashk-e-qamar tu ne pahli nazar jab nazar se milaai mazaa aa gaya barq si gir gaii kaam hi kar gaii aag aisi lagaaee mazaa aa gaya

pahle kahtaa hai junoon uskaa girebaan pakad phir meraa dil mujhe kahtaa hai idhar kaan pakad aisi vehshat bhi na ho ghar ke daro baam kahein koi aawaaz hi le aa koi mehmaan pakad

bas ab to daaman-e-dil chhod do bekar umeedo bahut dukh sah li.e maine bahut din jee liya maine

kis darja dilshikan the mohabbat ke haadse ham zindagi men phir koii armaan na kar sake

faqeer-e-shahr ke tan par libaas baaki hai ameer-e-shahr ke armaan abhii kahaan nikle

abhii na chhed mohabbat ke geet ai mutarib abhii hayaat ka maahol khushgawaar nahin

gar zindagi men mil ga.e phir ittifaq se poochhenge apna haal tiri bebaasi se ham