mujhe sharaab pilaai gaii hai aankhoñ se meraa nasha to hazaaron baras men utarega

agar furqat mile paani ki tehriroon ko padh lena har ik dariyaa hazaaron saal ka afsaana likhta hai

mohabbat ko chhu paa.e laakh koi chhup nahin sakti ye vo afsaana hai jo be-kahe mashhoor hota hai

band kamre men hazaaron meel ab chalte hain ham kaafi mahangi pad rahi hai shaayri se dosti

kisi ki barq-e-nazar se na bijliyon se jale kuchh is tarah ki ho ta'aamir aashiyaane ki

maana ki is zameen ko na gulzaar kar sake kuchh khaar kam to kar ga.e guzre jidhar se ham

kis darja dilshikan the mohabbat ke haadse ham zindagi men phir koii armaan na kar sake

faqeer-e-shahr ke tan par libaas baaki hai ameer-e-shahr ke armaan abhii kahaan nikle

bas ab to daaman-e-dil chhod do bekar umeedo bahut dukh sah li.e maine bahut din jee liya maine

main jise pyaar ka andaaz samajh baitha hooñ vo tabassum vo takallum tiri aadat hi na ho