koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamaare baad tere ishq men naye ladke badan to choomenge zulfen nahin sanvaarenge

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

ai shama' teri umr-e-tabeei hai ek raat hañs kar guzaar ya ise ro kar guzaar de

aadmiyyat aur shay hai ilm hai kuchh aur shay kitna tote ko padaaya par vo hawaan hi raha

bosa jo rukh ka dete nahin lab ka deejie ye hai masal ki phool nahin pankhudi sahi