ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

kya khabar kaun tha vo aur meraa kya lagta tha jisse milkar mujhe har shaKHs bura lagta tha

shaakhon se toot jaayen vo patte nahin hain ham aandhi se koi kah de ki auqaat men rahe

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ai aasmaañ kis li.e is darja barhmi ham ne to tiri samt ishaara nahin kiya

zindagi men kabhi kisi ko bhi main ne chaaha nahin magar tum ko

dhyaan men aa kar baith ga.e ho tum bhi naan mujhe musalsal dekh rahe ho tum bhi naan

ai aasmaan kis li.e is darja barhmi ham ne to tiri samt ishaara nahin kiya

kya khoob tamasha hai ye kaar-gah-e-hasti har jism salaamat hai har zaat adhuri hai