mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

na karo bahs haar jaayogi husn itni badi daleel nahin

kisi ne muft men vo shakhs paaya jo har keemat pe mujh...ko chahiye tha

aaKHir ko hañs padenge kisi ek baat par rona tamaam umr ka be-kaar jaayega

aapki saada dili KHud aapki tauheen hai husn waalon ko zara maghroor hona chahiye

kal raat jo eendhan ke li.e kat ke giraa hai chidiyon ko bahut pyaar tha us boodhe shajar se

us se ik baar to roothoon main usii kii maanind aur meri tarah se vo mujh ko manaane aa.e

tujh ko kya ilm tujhe haarne waale kuchh log kis qadar sakht nadaamat se tujhe dekhte hain

apne qaateel ki zehaanat se pareshaan hooñ main roz ik maut naye tarz ki ijaad kare

ye dukh nahin ki andhero se sulh kii hamne malaal ye hai ki ab subah kii talab bhi nahin