shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

hazaaron saal nargis apni be-noori pe roti hai badi mushkil se hota hai chaman men deeda-war paida

dhoop men niklo ghataon men naha kar dekho zindagi kya hai kitaabon ko hata kar dekho

zamaane ke zulm-o-sitam dekh lo mirii zindagi ke bhi gham dekh lo qayamat se badhkar rahe hain sabhi kamar ke na maano to KHam dekh lo mohabbat to karne chale ho magar mohabbat men kya-kya hain gham dekh lo ye khanjar chalaane se pahle suno mira haal to kam se kam dekh lo are ab ke zaahid bhi peene lagena maano to dair-o-haram dekh lo

dil khush-gawaar bhi hai tira be-qaraar bhi kuchh kuchh to lag raha hai ha men ustuvaar bhi hardam unhin ke rahte ho ghar men ghuse hue u uupar se ban rahe ho bade naak-daar bhi karta hooñ do shikaar main to ek teer se fan geetkaar bhi hai mira husn-kaar bhi tumne nahin kaha tha jahaan chhod de abhii u uupar se kar rahe ho mira intizaar bhi tum log kah rahe ho bhala aadmi use mujh...ko nazar se lag raha hai aib-daar bhi mujh par hi meri jaan ka ilzaam dhar diya u uupar se bolte ho mujhe gham-gusaar bhi hardam namak lagana ghareebon ke zaKHm par ye teraa kaam-kaaj hai aur rozgaar bhi

kuchh log zamaane men ham naam nikal aa.e jo khaas sabhi se the vo aam nikal aa.e hai sabse juda teraa andaaz tabassum ka jo ek hañsi men do gulfaam nikal aa.e jo sabko sikhaate the ikraam muhabbat ka un par hi muhabbat ke ilzaam nikal aa.e jo sabko bataate the main ajnabi hooñ koi vo naam se mere hi badnaam nikal aa.e tu ahl-e-zameen se sun har baat banaa ke rakh kuchh bhi na pata kissse kya kaam nikal aa.e

mire andaaz zamaane se niraale honge aaj andhere hain to kya kal ko ujaale honge ek roti men sunaate hain tujhe kitna kuchh kal se honton pe tire mire nivaale honge kam se kam saikron ko bhookh ne maara hogaa bach ga.e jitne sabhi dard ne pale honge ab ha men maut bhi maqbool nahin karti hai zindagi tu hi bataa kiske hawaale honge har dafa cheen liya meraa nivaala sabne phir to bacche bhi tire bhookh ne pale honge are kamre men mire kuchh bhi nahin hai sacchi chaar deewaar milengi bache jaale honge shehr-e-dil men suno to koii nahin rehta hai tum kahaan ja rahe ho sab men hi taale honge chhod ke KHud ko zamaane ko diya hai marham phir to beshak hi tire paanv men chaale honge

KHvaabon men sahi roz sataane ke li.e aa aa phir se mire dil ko churaane ke li.e aa har koi samajhta hai mujhe kaanch ka marham kuchh aur hooñ main inko bataane ke li.e aa har baar tire bas men kahaan mujh...ko uthaana is baar nigaahon se girane ke li.e aa vo raat vahii din vahii tanhaaii ka aalam aankhoñ men vahii pyaas jagaane ke li.e aa saanson ke charaaghaan tiri zulfon ne bujaaye ab tu hi janaaze ko uthaane ke li.e aa ik tere siva tha hi mira kaun jahaan men so qabr ki bhi rasm nibhaane ke li.e aa jin dast-e-mubaarak men mirii jaan basi thii masjid men vahii haath uthaane ke li.e aa