pahle sau baar idhar aur udhar dekha hai tab kahii dar ke tumhein ek nazar dekha hai

ik ajab haal hai ki ab us ko yaad karna bhi be-vafaaii hai

dushmani kar magar usool ke saath mujh par itni si meherbaani ho mere men'yaar ka taqaza hai meraa dushman bhi khaandaani ho

door ik sitaara hai aur vo hamaara hai aankh tak nahin lagti koi itnaa pyaara hai choo ke dekhna us..ko kya ajab nazaara hai teer aate rahte the phool kisne maara hai

khula fareb-e-mohabbat dikhaai deta hai ajab kamaal hai us be-vafa ke lehje men

na hon ashaar men maani na sahi KHud kalaami ka zariya hi sahi tum na nawaazo she'r ko na sunaayenge ye meraa zaati nazariya hi sahi

watan ki KHaak zaraa ediyaan ragadne de mujhe yaqeen hai paani yahiin se niklega

nateeja phir vahii hogaa suna hai saal badlega parinde phir vahii honge shikaari jaal badlega vahii haakim vahii gurbat vahii qaateel vahii ghaasib batao kitne saalon men hamaara haal badlega

un ke hone se bakht hote hain baap ghar ke darakht hote hain

ab ke baar mil ke yuñ saal-e-nau manaaenge ranjishen bhula kar ham nafratein mitaayenge